MAYOR SALARDA, giila nga kampeon sa kalinaw, midawat ug AGILA AWARD gikan sa 10TH INFANTRY DIVISION - PHILIPPINE ARMY

MAYOR SALARDA, giila nga kampeon sa kalinaw, midawat ug AGILA AWARD gikan sa 10TH INFANTRY DIVISION - PHILIPPINE ARMY

MAWAB, Davao de Oro Province (Agosto 17, 2020) – Midawat ug AGILA AWARD si Municipal Mayor Vic Paul M. Salarda, MPA isip pag-ila sa iyang suporta ug mahinungdanong kontribusyon sa peace and development efforts sa atong mga kasundaluhan nga pinaagi niini nahimong epektibo ang pagmugna ug mga conflict-resilient communities sa lungsod sa Alabel. 


Personal nga gidawat ni Mayor Salarda ang maong award atul sa kasaulugan sa ika-14 nga Founding Anniversary sa 10th Infantry (AGILA) Division sa Philippine Army nga nahitabo sa Camp General Manuel T Yan Sr. nga nahimutang sa Barangay Tuboran, Mawab, Davao de Oro. Mismong ang 62nd Commanding General sa Philippine Army nga si LTGEN CIRILITO E SOBEJANA PA ug 10th ID Commander MGEN REUBEN S BASIAO PA ang mitunol sa maong award kay Mayor Salarda.


Sumala pa ni Mayor Salarda sa paghinabi sa AIO sa iyaha, ang maong awards dili niya makab-ot kung wala ang tabang sa tanang lumolopyo sa lungsod Alabel hilabi na ang mga kaigsuonan natong anaa nakapuyo sa kanhing mga conflicted areas sa lungsod. Ang ilang aktibong partisipasyon ug pagtinabangay maoy susi sa eradikasyon sa kasamok ug hulga sa mga terorista ug komunistang grupo sa ilang mga lugar. 


Gipasalamatan usab sa alkalde ang mga myembro sa Philippine Army hilabi na ang 73rd Infantry battalion nga walay hunong ang suporta sa lungsod aron mapuksa ang insurhensiya ug makab-ot ang ginapangandoy nga kalinaw. 


Dako ang pagsuporta usab ni Mayor Nonoy Salarda sa atong mga kasundaluhan hilabi na sa ilang mga programa nga may kalabutan sa kalinaw, livelihood ug education campaign. Tungod sa suporta ug pagtinabangay nahimong malampuson ang matag programa sa 73rd IB. Tung milabayng nga Pebreo 2020, gideklara sa Lokal nga Panggamhanan sa Alabel nga Persona non grata ang New People’s Army (NPA) ug ang ilang mga legal front isip pagsuporta sa Executive Order 70, s. 2018 (Institutionalizing the whole-of-nation approach in attaining inclusive and sustainable peace, creating a national task force to end local communist armed conflict, and directing the adoption of a national peace framework) ni Presidente Rodrigo Roa Duterte. Nag-organisa usab ug indignation rally ang lokal nga panggamhanan kauban ang military, pulisya ug mga nakalain-laing civic organizations kontra NPA tung milabay nga Disyembre 2019.


Nahimong kabahin usab sa Serbisyong Smile sa Barangay (SSB), ang usa ka flagship programa ni Mayor Salarda, ang paghatag ug higayon sa mga personahe sa 73rd IB nga muhatag ug Information ug Education Campaign sa mga butang sa may kalabutan sa anti-insurgency measures, sustainable development and just and lasting peace mission ug paghatag ug empasis nga isa lang ang gobyerno mao ang Pilipinas ug wala nay lain pa.


Aduna usab mga pulong-pulong alang sa kalinaw nga gi-organisa kauban ang 73rd IB, mga ritwal sa kalinaw sama sa dyandi sa atong mga kaigsuonang lumad, ug pagsuporta sa atong kasundaluhan sa ilang rasyon sa bugas gikan sa lokal nga gobyerno.


Ang mga former rebels nga kanhing myembro sa NPA nga misurender sa sabakan sa panggamhanan, gihimo nga mga forest guards/bagani sa lungsod sa Alabel aron mamahimong tagabantay/taga-amping sa atong kinaiyahan ug adunay usab silay sweldo nga ginadawat sa atong gobyerno. Daghan kaayong kontribusyon sa matang sa peace and development efforts ang namugna ilalom sa administrasyon ni Mayor Salarda nga maoy hinungdan ngano giila siya nga kampeon sa kalinaw sa 10th Infantry (AGILA) Division sa Philippine Army. Nahisubay kini nga mga suporta sakto sa tema karon tuiga nga PAKIGLAMBIGIT: “Cultivating Peace & Development through People’s Empowerment.”


Gihatagan usab ug rekognasyon dungan ni Mayor Salarda ang mga bayaning sundalo, mga civilian awardee sa Philippine Army ug mga stakeholder awardee sama nina Davao del Norte Governor Edwin I Jubahib, Davao de Oro Governor Jayvee Tyron L Uy, Agusan de Sur Governor Santiago B Cane Jr., Davao Occidental Governor Claude P Bautista, ug pang civil leaders. 


Ang AGILA AWARD usa ka rekognasyon nga ginahatag sa 10th Infantry (AGILA) Division sa Philippine Army alang sa mga personahe nga may dakong kontribusyon ug kabaag sa kasundaluhan sa pagkab-ot ug kalinaw sa ilang nagkadaiyang probinsya ug lungsod.  (ALABEL INFORMATION OFFICE)


#SmileAlabel

#MasaganangAlabel 

#AgilaAwards2020

Comments

Post a Comment

Popular posts from this blog

60 lokal nga mag-uuma, nakadawat ug tag-10 ka Muscovy ducks gikan sa DA SAAD, Mayor Salarda gipahinumduman ang katawhan na sundon ang minimum health standards batuk COVID-19

Image
60 lokal nga mag-uuma, nakadawat ug tag-10 ka Muscovy ducks gikan sa DA SAAD, Mayor Salarda gipahinumduman ang katawhan na sundon ang minimum health standards batuk COVID-19 PAG-ASA, Alabel (Agosto 15, 2020) – Dugang 60 ka lokal nga mag-uuma sa Barangay Pag-asa ang nakadawat ug tagpulo (10) ka Muscovy ducks kun pato gikan sa Department of Agriculture ilalom sa Special Area for Agricultural Development (SAAD) Program, Sabado sa hapon, Agosto 15, 2020. Nahitabo ang maong distribusyon sa Brgy. Pag-asa Covered Court. Gikalipay pag-ayo sa mga benepisyaryo ang nadawat nilang mga pato isip tabang sa nasudnon nga panggamhanan pinaagi usab sa suporta ug kooperasyon sa Lokal nga Panggamhanan sa Alabel nga gidumalaan karon ni Municipal Mayor Vic Paul Molina Salarda, MPA. Sa mensahe ni Mayor Salarda ngadto sa mga mag-uuma, iyang gipahinumduman ang atong mga kaigsuonang mag-uuma nga ang tanan nga mga hinabang gikan sa gobyerno. “Wala nay laing gobyerno, mao ang gobyerno sa Pilipinas, usa ra ang ato...
Read more

Food Security Orientation at Brgy. Alegria

Image
FOOD SECURITY | Nahimong malampuson ang gipahigayon nga Barangay Food Production Committee Orientation ug Barangay Food Survey sa Barangay Alegria, September 21-25,2020. Mismo sila Municipal Agriculturist Enriquito A. Daguplo ug Municipal Councilor Paul S. Villamora ang mihatag og oryentasyon nga gitambungan sa mga purok chairperson sa Barangay Alegria. Nagpatigayon usab ug food survey kung asa na gbalay-balay ang mga volunteers sa 30 ka purok sa maong barangay. Matud sa OMAG-Alabel nga ang datos nga makuha sa survey magamit sa ginamugna karon nga Municipal Food Security Plan sa Alabel. Ang maong aktibidad suportado gayud ni Municipal Mayor Vic Paul M. Salarda, MPA nga makanunayong ginapaspasan sa buhatan sa Municipal Agriculturist ang mga programa ug proyekto alang sa mga mag-uuma sa Alabel. Ang malungtarong suplay sa pagkaon luyo sa krisis ug natural ug hinimo sa tawo nga katalagman maoy tumong sa kasamtangang administrasyon aron dili makasinati og kalisod ug gutom ang katawhan. Gina...
Read more