Food Security Orientation at Brgy. Alegria

FOOD SECURITY | Nahimong malampuson ang gipahigayon nga Barangay Food Production Committee Orientation ug Barangay Food Survey sa Barangay Alegria, September 21-25,2020. Mismo sila Municipal Agriculturist Enriquito A. Daguplo ug Municipal Councilor Paul S. Villamora ang mihatag og oryentasyon nga gitambungan sa mga purok chairperson sa Barangay Alegria. Nagpatigayon usab ug food survey kung asa nagbalay-balay ang mga volunteers sa 30 ka purok sa maong barangay. Matud sa OMAG-Alabel nga ang datos nga makuha sa survey magamit sa ginamugna karon nga Municipal Food Security Plan sa Alabel. Ang maong aktibidad suportado gayud ni Municipal Mayor Vic Paul M. Salarda, MPA nga makanunayong ginapaspasan sa buhatan sa Municipal Agriculturist ang mga programa ug proyekto alang sa mga mag-uuma sa Alabel. Ang malungtarong suplay sa pagkaon luyo sa krisis ug natural ug hinimo sa tawo nga katalagman maoy tumong sa kasamtangang administrasyon aron dili makasinati og kalisod ug gutom ang katawhan. Ginaawhag sa Lokal nga Panggamhanan ang katawhan nga magtuon og tanom og gulay sa ilang mga tugkaran ug suportahan ang mga produkto sa atong mga mangunguma. Gisiguro sa mga volunteers nga ginaobserba ang minimum health standards samtang nagapahigayon og survey isip precautionary measure batuk sa hulga sa dili makita nga kalaban. (ALABEL INFORMATION OFFICE)

#SmileAlabel
#MasaganangAlabel